काठमाडौं । सत्तारुढ दल नेपाल कम्युनिस्ट पार्टी (नेकपा)को स्थायी कमिटीको बैठक २८ गतेसम्मका लागि स्थगित भएको छ ।
अध्यक्ष एवं प्रधानमन्त्री केपी शर्मा ओलीको अनुपस्थितिमा भएको आइतबारको बैठकको अध्यक्षता पुष्पकमल दाहाल प्रचण्डले गरेका थिए ।
बैठकमा अध्यक्षद्वय ओली र प्रचण्डले पेश गरेको प्रस्ताव र पत्राचारहरु स्थायी कमिटी सदस्यहरुलाई वितरण गरिएको छ । सदस्यहरुले यसबारे अध्ययन गरेपछि २८ गते छलफल हुने गरी आजको बैठक स्थगित भएको हो ।
बैठकमा प्रचण्डको ‘आरोपपत्र’ पेश गरिएका कारण आफु अनुपस्थित भएको ओलीले जिकिर गर्दै स्थायी कमिटी सदस्यहरुलाई अर्को नयाँ पत्र पठाएका छन् ।
स्थायी कमिटी बैठक २८ गते बस्ने भएपछि केन्द्रीय कमिटी बैठक फेरि पनि सरेको छ । केन्द्रीय कमिटी बैठक पुष ५ गतेका लागि बोलाइएको छ ।
प्रतिक्रिया