एजेन्सी । भारतका चर्चित डान्सर अस्ताद देबुको निधन भएको छ । शास्त्रीय र आधुनिक नृत्यका ज्ञाता मानिने देबुको ७३ वर्षको उमेरमा निधन भएको भारतीय सञ्चारमाध्यमहरुले जनाएका छन् ।
केही समय अघिदेखि देबु बिरामी थिए । सन् १९४७ जुलाई १३ मा जन्मेका देबु बलिउडका शास्त्रीय र आधुनिक नृत्यका ज्ञाता मानिन्छन् । उनले शास्त्रीय नृत्यलाई मिलाएर आधुनिक शैलीमा विकास गरेकाे बताइन्छ ।
देबुले ७० भन्दा बढी देशमा एकल, सामूहिक र युगल नृत्य प्रस्तुति दिएका थिए । देबुले नृत्यबाटै हजारौँ फ्यान बनाएका थिए । उनले सन् १९९५ मा ‘संगीत नाटक अकादमी’ पुरस्कार तथा २००७मा ‘पद्यश्री’ सम्मान पनि पाएका थिए ।
बलिउड फिल्म निर्देशक मणिरत्नम, विशाल भारद्धजका फिल्म तथा एमएफ हुसैनकी फिल्म ‘मीनाक्षीः ए टेल अफ थ्री सिटीज’मा कोरियोग्राफी गरेका थिए । देबुको शास्त्रीय र आधुनिक नृत्य क्षेत्रमा ठूलो क्षति पुगेको बताइएको छ ।
प्रतिक्रिया