बझाङमा बसको ठक्करबाट एक बालिकाको मृत्यु

कैलाली । बझाङमा बसको ठक्करबाट एकजना बालिकाको मृत्यु भएको छ । महेन्द्रनगरबाट बझाङ जाँदै गरेको ना ६ ख १७९५ नम्बरको बसले ठक्कर दिदा २ वर्षीया बालिका दिपिका बिष्टको मृत्यु भएको प्रहरीले जनाएको छ। प्रहरीका अनुसार जिल्लाको बित्थडचिर गाउँपालिका–९ सुनकुडामा ती बालिकालाई बसले ठक्कर दिएको हो ।

बसको ठक्करबाट घाइते भएकी बालिकाको उपचारका लागि स्वास्थ्य चौकी लैजादै गर्दा मृत्यु भएको सुदूरपश्चिम ट्राफिक प्रहरी कार्यालय अत्तरियाका ले जानकारी दिएको छ ।

चालक दिपक बोहोरा र बस स्याडी प्रहरी चौकीले नियन्त्रणमा लिएको छ।