काठमाडौं । हाल देशमा पश्चिमी वायुको प्रभावसंगै दक्षिणपूर्वी अरवियन सागरबाट उत्पन्न जलवाष्पयुक्त वायु नेपालमा प्रवेश गरिरहेको छ ।
हाल देशभरको मौसममा आँशिकदेखि सामान्य बदली रहेको छ जल तथा मौसम विज्ञान विभागले जनाएको छ ।
आज दिउँसो देशभरको मौसममा आंशिकदेखि सामान्य बदली रहने सम्भावना देखिएको छ ।
सुदूरपश्चिम, गण्डकी र कर्णाली प्रदेशका उच्च हिमाली भू-भागमा हल्का बर्षा र हिमपात हुने सम्भावना रहेको छ ।
त्यस्तै प्रदेश १ को पहाडी भू-भागका एक, दुई स्थानमा हल्का बर्षाको सम्भावना समेत रहेको विभागले जनाएको छ ।
त्यसैगरी आज राती प्रदेश नं १, प्रदेश नं २ र बागमती प्रदेश तथा सुदुरपश्चिम र कर्णाली प्रदेशका पहाडी भू-भागहरूको मौसममा आंशिकदेखि सामान्य बदली रहने सम्भावना छ ।
देशका बाँकि भू-भागको मौसममा आंशिक बदली रहनेछ।
हिमाली भू-भागमा हल्कादेखि मध्यम खालको हिमपातको सम्भावना छ ।
त्यस्तै प्रदेश नं १ को पहाडी भू-भागका एक, दुई स्थानमा हल्का बर्षा हुने संभावना रहेको जल तथा मौसम विज्ञान विभागले जनाएको छ ।
प्रतिक्रिया