बुटवलमा नेबिसंघको सिट्ठी जुलुस, सरकारलाई सडकबाटै तह लगाउने चेतावनी

बुटवल । प्रमुख प्रतिपक्ष नेपाली कांग्रेसले आह्वान गरेको देशब्यापी बिरोध प्रदर्शनको पूर्व सन्ध्यामा बुटवलमा नेपाल विद्यार्थी संघले सरकार विरुद्ध सिठ्ठी जुलुस प्रदर्शन गरेको छ । नेविसंघ केन्द्रिय उपसभापति मुक्तिराज पौडेलको नेतृत्वमा निस्केको नेबिसंघको सिट्ठी जुलुस बुटवलको राजमार्ग चौराहाबाट सुरु भएर मिलनचोक पुगेर समापन गरिएको थियो ।

मंसिर २९ गतेको विरोधसभा सफल पारौं ,सरकारका गलत कामको बिरोध गरौँ भन्ने नारा लेखिएका प्लेकार्ड सहित बिद्यार्थी र युवाहरु सिट्ठी जुलुसमा सहभागी भएका थिए ।

भोलि कांग्रेसले सरकारविरुद्ध देशैभर प्रदर्शन गर्दैछ । प्रदर्शनलाई सफल बनाउन प्रचारात्मक जुलुस निकालिएको नेबिसंघ उपसभापति पौडेलले बताए । कोरोना महामारीका बेलामा सरकार भ्रष्टाचारमा लिप्त भएको र सरकारका कारण संघीय लोकतान्त्रिक गणतन्त्र समेत संकटमा परेको भन्दै पौडेलले सरकारलाई जनताले सडकबाटै तह लगाउने चेतावनी दिए ।