बुटवल । भूमि सम्बन्धी समस्याहरुलाई स्थायीरुपमा समाधान गर्न भन्दै भूमि सम्बन्धी समस्या समाधान आयोगले लुम्बिनी प्रदेशमा स्थानीय पालिकाहरुसँग कार्यसम्झौता गरेको छ । लुम्बिनी प्रदेशको मुकाम राजधानी बुटवलमा आईतबार एक कार्यक्रमका बीच आयोगले बुटवल उपमहानगरपालिका सहित ३३ वटा पालिकाहरूसँग कार्यसम्झौता गरेको हो ।
लुम्बिनी प्रदेश सरकारका भूमि व्यवस्था, कृषि तथा सहकारी मन्त्री आरती पौडेल र आयोगका अध्यक्ष देवी ज्ञवालीको उपस्थितिमा प्रदेशका ३३ पालिकासँग कार्यसम्झौता भएको हो ।
आयोगका तर्फबाट उपसचिव राजेन्द्रबहादुर अर्याल र सम्बन्धित पालिकाका प्रमुख, उपप्रमुखको उपस्थितिमा प्रमुख प्रशासकीय अधिकृतले कार्यसम्झौतामा हस्ताक्षर गरेका छन् ।
भूमि सम्बन्धी समस्या समाधान आयोगले लुम्बिनी प्रदेशका तराईका छ जिल्लाका तीन उपमहानगरपालिका, १७ नगरपालिका र १३ गाउँपालिकासंग कार्यसम्झौता गरेको आयोगका विज्ञ जगत देउजाले जानकारी दिए ।
प्रतिक्रिया