काठमाडौं। अध्यादेश प्रकरणले विवाद चर्किएका बेला लुम्बिनी प्रदेशका मुख्यमन्त्री शंकर पोखरेल अध्यक्ष प्रचण्डलाई भेट्न विहानै खुमलटार पुगेका छन्। पार्टीमा छलफल नै नगरी प्रधानमन्त्री केपी ओलीले अध्यादेश ल्याएपछि पार्टीभित्रको आन्तरिक किचलो थप बढ्ने संकेत देखिएका बेला नेता शंकर पोखरेल अध्यक्ष प्रचण्डलाई भेट्न खुमलटार पुगेका हुन ।
प्रधानमन्त्री तथा अध्यक्ष केपी शर्मा ओलीले पार्टीमा कुनै परामर्शबिनै संवैधानिक परिषद् सम्बन्धी अध्यादेश ल्याएपछि आजको बैठक थप पेचिलो बन्ने देखिएको छ । प्रधानमन्त्री ओलीले हिजो संवैधानिक परिषद सम्बन्धी अध्यादेश ल्याएपछि कार्यकारी अध्यक्ष पुष्पकमल दाहालसहित सचिवालयका बहुमत सदस्यहरु असन्तुष्ट बनेका छन् । यसैबीच ओलीको सन्देश बोकेर नेता शंकर पोखरेल खुमलटार पुगेको स्रोतले बताएको छ ।
यस्तै आज बुधबार बस्ने स्थायी समिति बैठकमा प्रधानमन्त्री ओलीलाई अध्यादेश फिर्ता गर्न निर्देशन दिने तयारी नेताहरुले गरेका छन्। प्रधानमन्त्रीसमेत रहेका केपी शर्मा ओलीले मंगलबार पार्टी र नेताहरुसँग कुनै छलफल नै नगरी अध्यादेश ल्याएपछि त्यसको चर्को विरोध भइरहेको छ।
खासगरी प्रचण्ड (नेपाल पक्ष नेता तथा प्रमुख प्रतिपक्ष दल कांग्रेसले असंवैधानिक ढंगले अध्यादेश ल्याएको भन्दै खारेज गर्न माग गरेका छन्। ओलीले सहमति र छलफलबिनै अध्यादेश ल्याउपछि नेकपामा विवाद थप बढ्ने संकेत देखिएको छ।
प्रतिक्रिया