काठमाडौं । सत्तारुढ नेपाल कम्युनिष्ट पार्टी नेकपाको स्थायी कमिटी बैठक बल्ल सुरु भएको छ ।
दिउँसो १ बजे बस्ने भनिएको बैठक ३ घण्टा ढिलो सुरु भएको हो ।
सरकारले मंगलबार जारी गरेको संवैधानिक परिषदसम्बन्धी अध्यादेशका कारण शिर्ष नेतृत्वबीच गम्भीर मतभेद भएपछि बैठक प्रभावित बनेको थियो ।
अध्यक्ष प्रचण्डसहितका वरिष्ठ नेताहरुले अध्यादेश विनाशर्त फिर्ता हुनुपर्ने माग राखेका थिए । अध्यक्ष एवं प्रधानमन्त्री ओलीले भने प्रचण्डले यसअघि सचिवालयमा पेश गरेको राजनीतिक प्रस्ताव फिर्ता गर्नुपर्ने माग गरेको थिए ।
त्यहीबीचमा ९४ जनाको हस्ताक्षरसहित नेकपाकै सांसदहरु संसदको विशेष अधिवेशनको माग गर्दै राष्ट्रपति कार्यालय पुगेपछि प्रधानमन्त्री ओली दबाबमा परेका थिए ।
त्यसपछि मध्यमार्गी नेताहरुको प्रयासका बीच अध्यक्षद्वयबीच भएको पटकपटकको छलफलपछि ओलीले अध्यादेश फिर्ता लिन सहमत भएसँगै स्थायी कमिटी बैठक सुरु भएको छ ।
बैठकमा ओली पनि उपस्थित भएका छन् ।
प्रतिक्रिया