काठमाडौं । नेपाल कम्युनिष्ट पार्टी नेकपाको ओली समूहका नवनियुक्त प्रवक्ता प्रदीप ज्ञवालीले महासचिवले सुचना नगरेको र माईन्युट नभएको बैठक वैधानिक हुन नसक्ने बताएका छन् ।
ओली समुहको केन्द्रीय कमिटी बैठकपछि बैठकका निर्णय सार्वजानिक गर्दै प्रवक्ता ज्ञवालीले प्रथम अध्यक्षको सल्लाहमा महासचिवले बोलाएको बैठक मात्र वैधानिक हुने दाबी गरे ।
ज्ञवालीले पार्टीले कसैलाई कारवाही नगरेको जानकारी दिँदै बैठकमा बोलाइए पनि अर्का अध्यक्ष प्रचण्ड बैठकमा अनुपस्थित भएको बताए । उनले सरकारलाई हटाउनै पर्ने गरी कुनै नराम्रो काम नगरेको जिकिर गर्दै राष्ट्रियता बलियो हुँदै गएको र विश्वमानचित्रमा नेपालको प्रोफाइल बन्दै गएको बेला सरकार ढाल्ने खेल भएपछि संसद विघटनको बाटो अवलम्बन गर्नुपरेको बताए ।
बाहिर विरोध गरेपनि अन्य पार्टीहरुले भित्रभित्र पार्टीहरुले चुनावको तयारी गरिरहेको दाबी गर्दै प्रवक्ता ज्ञवालीले लोकतन्त्रलाई स्वीकार गर्ने कुनै पनि पार्टी चुनावबाट नभाग्ने विश्वास व्यक्त गरे । प्रतिनिधिसभा मात्र विघटन भएको नेकपा विघटन भएको होईन । पार्टी एकताबद्ध नै छ । उनले भने ९माईन्युट र महासचिवको सुचना बिना बसेको बैठक आधिकारीक हुन्छ र रु
प्रधानमन्त्रीसँग अहिलेपनि ६४ प्रतिशत सांसदको समर्थन रहेको दाबी गर्दै ३६ प्रतिशत सांसदले गरेको निर्णयको अर्थ नरहने ज्ञवालीले दाबी गरे ।
प्रतिक्रिया