बुटवल । नेपाली कम्युनिस्ट पार्टी (नेकपा)का संयोजक पुष्पकमल दाहाल ‘प्रचण्ड’ र सह–संयोजक माधवकुमार नेपाल लुम्बिनी प्रदेशस्तरीय प्रशिक्षण कार्यक्रममा सहभागी हुन बुटवल पुगेका छन्।
पार्टीको लुम्बिनी प्रदेश समितिले शनिबार बुटवलको नयाँगाउँमा आयोजना गरेको प्रदेशस्तरीय बैठक तथा प्रशिक्षण कार्यक्रममा सहभागी हुन दुवै शीर्ष नेता बुटवल आइपुगेको प्रदेश इन्चार्ज चक्रपाणि खनाल ‘बलदेब’ले जानकारी दिएका छन्।
पार्टी एकतापछि लुम्बिनी प्रदेशमा पहिलोपटक आयोजना गरिएको यस प्रशिक्षणलाई संगठन सुदृढीकरण र वैचारिक एकरूपता अभिवृद्धिको महत्वपूर्ण अवसरका रूपमा लिइएको छ। कार्यक्रममा प्रदेशभरिका नेता तथा कार्यकर्ताहरूको सहभागिता रहने जनाइएको छ।
प्रशिक्षणका क्रममा पार्टीको राजनीतिक कार्यदिशा, संगठनात्मक नीति, आगामी रणनीति तथा समसामयिक राजनीतिक अवस्थाबारे विस्तृत छलफल हुने कार्यक्रम रहेको छ। साथै प्रदेशस्तरका नेताहरूबीच साझा दृष्टिकोण विकास गर्दै संगठनलाई थप सक्रिय, व्यवस्थित र प्रभावकारी बनाउने उद्देश्य प्रशिक्षणको रहेको पार्टीले जनाएको छ।
प्रतिक्रिया