प्रतिनिधिसभा विघटनको निर्णयमा सर्वोच्चद्वारा सरकारको नाममा कारण देखाऊ आदेश

काठमाडौं । सर्वोच्च अदालतले संसद विघटनको विषयमा कारण देखाउ आदेश जारी गरेको छ ।

सर्वोच्च अदालतको संवैधानिक इजलासमा आजबाट सुरु भएको प्रारम्भिक बहसपछि प्रधानन्यायाधीस चोलेन्द्र शमशेर जबरासहितको पाँच सदस्यीय इजलासले कारण देखाउ आदेश जारी गरेको हो ।

संवधानिक इजलाशले संसद विघटनसम्बन्धी मन्त्रिपरिषले गरेको निर्णयको सक्कल प्रति, राष्ट्रपतिको निर्णयको सक्कल प्रतिका र संसदसँग सम्बन्धित अन्य आवश्यक कागजात पेश गर्ने पनि आदेश दिइएको छ । सर्वोच्चले संसदमा रहेका दलहरुसँग कति जना सांसद छन् भन्ने जानकारी पनि माग गरेको छ ।

संवैधानिक इजलासमा प्रतिनिधिसभा विघटनसम्बन्धमा परेका एक दर्जन निवेदनहरुको सुनुवाइ सुरु भएको हो ।

सर्वोच्च अदालतले शुक्रबार बिहान प्रधानन्यायाधीश चोलेन्द्रशम्शेर जबराको नेतृत्वमा संवैधानिक इजलास गठन गरेको थियो ।