बिराटनगर । नेकपामा फुटको प्रभाव प्रदेश सरकारमा देखिन थालेको छ । प्रदेश १ का आर्थिक मामिला तथा योजनामन्त्री पदमुक्त भएका छन् । मुख्यमन्त्री शेरधन राईले आर्थिक मामिला तथा योजनामन्त्री ईन्द्रबहादुर आङ्बोलाई आज पदमुक्त गरेका हुन् । पूर्वमाओवादी नेता आङ्बो अहिले प्रचण्ड–नेपाल पक्षमा छन् ।
९३ सदस्यीय प्रदेश सभामा नेकपाका ६७ सांसद छन् जसमध्ये प्रचण्ड-नेपाल पक्षका ४७ जना छन् भने ओली पक्षका २० जना मात्रै सांसद छन् । यो अवस्थामा प्रचण्ड-नेपाल पक्षले चाहे जुनसुकै बेला पनि अविश्वासको प्रस्ताव ल्याउन सक्छन् ।
उता नेपालको संविधानको धारा १६९ को (२) (ख) बमोजिम प्रदेश सरकारका मन्त्री आङ्बोलाई पदमुक्त गरिएको मुख्यमन्त्रीका प्रेस सल्लाहकार ध्रुव सुवेदीले जानकारी दिए ।
प्रतिक्रिया