नेपालगन्ज । नेकपाको प्रचण्ड नेपाल पक्षका नेता एवं ओली सरकारका पूर्व मन्त्री योगेश भट्टराईले संसद विघटन मुलुक र पार्टीको लागि दुर्भाग्यपूर्ण भएको बताएका छन् । नेकपा बाँकेको प्रचण्ड नेपाल पक्षले आज नेपालगन्जमा आयोजना गरेको पार्टी प्रशिक्षण कार्यक्रमलाई सम्वोधन गर्दै नेता भट्टराईले प्रधानमन्त्री केपी शर्मा ओलीले लोकतन्त्र र संबिधान विपरित संसद विघटन गरेको आरोप लगाए।
उनले पार्टी एकताको मर्म र भावना विपरित ओलीले देशलाई वर्वादीतर्फ धकेलेको आरोप लगाउँदै पार्टी एकताको बाँकी काम टुंग्याउने बेला बखेडा झिकेर पार्टीको लागिमात्र नभएर मुलुककै लागि अहितपूर्ण काम गरेको आरोप लगाए ।
जुन चुनाव चिन्हबाट जितेर प्रतिनिधिसभामा नेकपा पुगेको थियो त्यही संबिधानसभा विघटन गरेर ओलीले सुर्य चिन्ह मासेको आरोप लगाए । भट्टराईले सुर्य चिन्ह नेकपाकै चुनाव चिन्ह हुने दावी गर्दै केपी ओलीको इतिहासले अवश्य मूल्यांकन गर्ने बताए ।
कार्यक्रमलाई नेकपा नेतृ पुर्णाकुमारी सुबेदी, महेश्वर गहतराज लगायतका नेताले सम्बोधन गरेका थिए ।
प्रतिक्रिया