काठमाडौं । नेपाल कम्युनिष्ट पार्टी नेकपाका अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओलीले संसद विघटन गरेर कलंकको टीका लगाएको बताएका छन् ।
जनसंस्कृतिक महासंघले सोमबार आयोजना गरेको कार्यक्रमलाई सम्बोधन गर्दै अध्यक्ष प्रचण्डले ओलीले संविधानले दिँदै नदिएको अधिकार प्रयोग गरेर ओलीले निरंकुश नेताको रुपमा कलंकको टीका लगाएको बताएका छन् ।
प्रचण्डले ओली जंगबहादुरको बाटोमा हिँडेको जिकिर गर्दै उनको पराजय सुरु भएको बताए । उनले भने, ‘ ‘केपी ओली सामन्ती शासक श्री ३ महाराजधिराज जंगेको बाटोमा हिँड्नुभयो । त्यस दिनबाट उहाँको पराजय र हाम्रो विजय यात्रा सुरु भयो ।’
अध्यक्ष प्रचण्डले आफुहरुलाई जनतामा जाने मुद्दा दिएको भन्दै ओलीलाई धन्यवाद पनि दिए । उनले संविधान संघीयता गणतन्त्रको पक्षमा लडिरहने मुद्दा दिएको प्रचण्डको भनाइ थियो ।
प्रतिक्रिया