काठमाडौं । बागमती प्रदेशका मुख्यमन्त्री डोरमणि पौडेलले आन्तरिक मामिला तथा कानुनमन्त्री एवं संसदीय दलका उपनेता शालिकराम जमरकट्टेल र सचेतक बुद्धिमान माझीलाई पदबाट हटाएका छन् । मुख्यमन्त्री पौडेलले मंगलबार उनीहरुलाई पदबाट हटाएको जनाएका छन् ।
प्रदेश सरकाविरुद्ध अविश्वासको प्रस्ताव ल्याएको भन्दै मुख्यमन्त्री पौडेलले दुबै नेतालाई दलको जिम्मेवारीबाट हटाएका हुन् ।
यसअघि जमरकट्टेल लगायतका नेताले पौडेलविरुद्ध केही दिनअघि अविश्वासको प्रस्ताव दर्ता गरेका थिए । पार्टीमा मुख्यमन्त्री पौडेल नेकपा केपी शर्मा ओली पक्षका हुन् भने जम्मकट्टेल र माझी प्रचण्ड–नेपाल पक्षका हुन् ।
प्रतिक्रिया