काठमाडौं । मंगलबार एकै दिन काठमाडौंका तीन स्थानमा चोरीका घटना भएका छन ।
तारकेश्वर नगरपालिका-११ शुभकामना चोक डेरा गरी बस्ने सिरहा गोलबजार नगरपालिका-३ घर भएका २५ वर्षीय रवीनकुमार लामाको कोठाबाट ताल्चा फुटाइ तीन तोला सुन र नगद ५० हजार रूपैयाँ मंगलबार राति चोरी भएको हो ।
यसैगरी काठमाडौं महानगरपालिका-१५ अजिमा हलनजिक डेरा गरी बस्ने खोटाङ घर भएकी ३० वर्षीया भूमिका थापा मगर र तनहुँ व्यास नगरपालिका-११ घर भएकी २३ वर्षीया मनिषा गुरुङको कोठाबाट करिब दुई लाख १० हजार रूपैयाँ मूल्य बराबरको धनमाल मंगलबार साँझ चोरी भएको छ ।
कोही नभएको अवस्थामा कोठाको ताल्चा फुटाएर सुनका विभिन्न गहना र नगद ६५ हजार रूपैयाँ चोरी भएको प्रहरीले जनाएको छ ।
यसैगरी काठमाडौंको नागार्जुन नगरपालिका-५ थापाचोक बस्ने पवन सुनुवारको घरबाट करिब दुई लाख १९ हजार रूपैयाँ बराबरको सुनका विभिन्न गहना मंगलबार बेलुका चोरी भएको छ ।
चोरीमा संलग्न हाल फरार व्यक्तिहरूको खोजी गर्नुका साथै यस सम्बन्धमा स्थानीय प्रहरीले आवश्यक अनुसन्धान गरिरहेको जनाएको छ ।
प्रतिक्रिया