कञ्चनपुर । कञ्चनपुर स्थित नेपाल–भारत सीमाको दशगजामा गोली चल्दा एक जना नेपाली घाईते भएका छन् ।
महाकाली नगरपालिका–१ स्थित नेपाल–भारत सीमा गडीगोठ क्षेत्रमा सोमबार बेलुकी गोली चल्दा एक जना नेपाली घाइते भएका हुन्।
दशगजा क्षेत्रमा चलेको गोलीको छर्रा लागेर स्थानीय किशोर नरेश सुनार घाइते भएको जिल्ला प्रहरी कार्यालय कञ्चनपुरका डीएसपी अमर बहादुर थापाले बताएका छन्।
सिमामा गोली लागेका सुनार अन्दाजी ९ः१५ तीर प्रहरीको सम्पर्कमा आएको प्रहरीले जनाएको छ । रातीको समयमा गोली चलेका कारण गोली चल्नुको कारण र गोलि चलाउने समूह पहिल्याउन नसकिएको डीएसपी थापाले बताए ।
घाईते सुनारले भारतीय सिमा सुरक्षा बल एसएसबीले चलाएको हुन सक्ने बताएपनि जंगलमा गोली वन रक्षकले चलाएको पनि हुन सक्ने थापाले बताए । खुट्टामा छर्रा लागेका सुनारको महाकाली प्रादेशिक अस्पतालमा उपचार भईरहेको डीएसपी थापाले बताए ।
प्रतिक्रिया