बर्दिया । बर्दियामा सवारी दुर्घटनामा पनि एक जनाको मृत्यु भएको छ । ठाकुरबाबा नगरपालिका १ डुम्रेनी बस्ने २२ वर्षीय त्रिभुवन आचार्यको मोटरसाइकल दुर्घटनामा परि मृत्यु भएको हो ।
आचार्य सवार मोटरसाइकल बिहीबार राति मनुषा टिकासिंह थापा बहुमुखी क्याम्पसनजिक डल्लपमा ठोकिँदा आचार्यको ज्यान गएको प्रहरीले जनाएको छ ।
दुर्घटनामा गम्भीर घाइते भएका आचार्यको उपचारका लागि मेडिकल कलेज कोहोलपुर लैजाने क्रममा ज्यान गएको ईलाका प्रहरी कार्यालय भुरिगाउँले जनाएको छ । मृतकको शव पोष्टमार्टमका लागि जिल्ला अस्पताल गुलरिया लगिएको प्रहरीले जनाएको छ ।
मोटरसाइकलमा सवार रहेको अर्का १ जना घाइते भएका छन् । ठाकुरबाबा नगरपालिका १ डुम्रेनीकै अन्दाजी २२ वर्षीय तिर्थ आचार्य घाइते भएको प्रहरीले जनाएको छ । उनको अहिले जिल्ला अस्पताल गुलरियामा उपचार भैरहेको ईलाका प्रहरी कार्यालय भुरिगाउँका प्रहरी निरीक्षक कविराज रोकायाले बताए ।
कुहिरो लागेको र डल्लपमा रिफ्ल्याक्टर नभएका कारण रातीको समयमा डल्लप नदेखिएकोले दुर्घटना भएको हुन सक्ने अनुमान गरिएको छ ।
प्रतिक्रिया