पूर्वी नवलपरासीको चोरमारा नजिकै ट्रकको ठक्करबाट मोटरसाइकल चालकको मृत्यु

कावासोती । बुटवल–नारायणगढ सडकखण्ड अन्तरगत पूर्वी नवलपरसीको मध्यविन्दु ७ चोरमारा जंगलमा शनिबार दिउँसो भएको सडक दुर्घटना एक जनाको मृत्यु भएको छ ।

बुटवलबाट नारायणगढ आउँदै गरेको ट्रकको ठक्करबाट मोटरसाइकलमा सवार अन्दाजी २७ वर्षीय एक जना पुरुषको घट्नास्थलमै मृत्यु भएको हो ।

जिल्ला प्रहरी कार्यलय पूर्वी नवलपरासीका अनुसार भारतीय यु पी २२ ए पी १०८६ नम्बरको ट्रकले ना २१ प ७५६५ नम्बरको मोटरसाइकलाई ठक्कर दिएको थियो ।

मृतकको सनाखत हुन अहिलेसम्म सकेको छैन । ठक्कर दिने ट्रक र चालकलाई प्रहरीले नियन्त्रणमा लिएर अनुसन्धान गरिरहेको प्रहरीले जनाएको छ ।