सुर्खेत । मध्यपश्चिमाञ्चल विश्वविद्यालयमा विद्यार्थी र प्रहरीबीच झडप भएको छ ।
विद्यालयका भिसी नन्दबहादुर सिंहलाई ज्ञापन पत्र बुझाउन भन्दै विद्यार्थीको एउटा समूह त्यहाँ पुगेकोमा सिंहले ज्ञापन पत्र बुझ्न नमानेपछि विद्यार्थी र भिसी सिंहबीच विवाद भएको थियो । विवादले उग्ररुप लिंदै जाँदा बिश्वविद्यालय परिसर तनावग्रस्त बनेको छ ।
प्रहरी र विद्यार्थीबीच झडप हुँदा तीन जना विद्यार्थी घाइते भएका छन् । परिक्षाका विषयमा विश्वविद्यालयका उपकुलपति नन्दबहादुर सिंहसँग विद्यार्थीको छलफलका क्रममा विवाद हुँदा झडप भएको बताईएको छ । स्थितिलाई नियन्त्रणमा लिन प्रहरीले केही राउण्ड अश्रुग्यास हानेको छ ।
झडपमा स्ववियु सदस्य तथा नेविसंघका नेता रोशन बस्नेत, विद्यार्थी तर्कराज शाही र लक्षमण वोगटी घाइते भएका छ्न ।
उपकुलपतिसँग विवाद बढेपछि स्थिति नियन्त्रणमा लिन प्रहरीले ३ सेल अश्रु ग्याँस प्रहार गरिएको जिल्ला प्रहरी कार्यालय सुर्खेतका प्रहरी निरीक्षक कनक शाहिले बताए । घाइतेहरूको स्थानीय माया नर्सिङ होममा उपचार भैरहेको छ ।
प्रतिक्रिया