शहीद दिवसमा युवाहरुको रक्तदान

बुटवल । तिनाउ सोसियल ग्रुप बुटवलले शहीद दिवसको अवसरमा रक्तदान कार्यक्रम गरेको छ । शहीद दिवसको अवसर पारेर समुहले शुक्रबार प्रथम रक्तदान कार्यक्रम २०७७ गरेको हो ।

कार्यक्रमको नेपाल रेडक्रस सोसाइटी रुपन्देहीका सभापति प्रेमलाल उदासले उद्घाटन गर्दै सामाजिक कार्यसंगै युवाहरुलाई क्षमता विकास गरि अलग चिनारी बनाउन सुझाव दिए । उनले हरेक संस्थाले आफ्नो कार्य अन्तरगत रक्तदान अनिवार्य गर्नु उदाहरणिय कार्य भएको बताए ।

यसैगरि कार्यक्रममा नियमित रक्तदानमा सहभागी भएर ६० पटक भन्दा बढि रक्तदान गर्नुभएकी बुटवलकी रुपकेशरी बज्राचार्यलाई सोसाइटी रुपन्देहीका सभापति प्रेमलाल उदास, क्लबका अध्यक्ष श्याम थापा, सचिव मीन सेन्चुरीले सम्मान गरेका थिए ।

नेपाल रेडक्रस सोसाईटी रक्तसंचार केन्द्र बुटवलको प्राविधिक सहयोगमा भएको कार्यक्रममा २५ युनिट रगत संकलन भएको संयोजक अशोक राईले बताए । यसैगरि समुहको नया टिसर्ट लन्च समेत गरिएको छ । कोभिड १९ को महामारीको अवस्थामा सहयोग जुटाउन उठेको युवाहरुको समूह अहिले सामाजिक कार्यमा लागेका छन ।