चितवन । नेपाल कम्युनिस्ट पार्टी (नेकपा) ओली पक्षका नेता तथा गृहमन्त्री राम बहादुर थापा बादलले आफूहरुले घोषणा भएको चुनाव जित्ने दावी गरेका छन ।
चितवनमा जनसभालाई सम्बोधन गर्दै उनले प्रधानमन्त्री केपी शर्मा ओली नेतृत्वको नेकपाले चुनाव जित्ने दावी गरेका हुन ।
बादलले पार्टीभित्रैबाट आफ्नो पार्टीको सरकार ढालेर राजनीतिक अस्थिरता ल्याउन खोजिएको अवस्थामा प्रधानमन्त्री ओलीले अग्रगामी र राष्ट्रहितको कदम चालेर संसद विघटन गरेको दावी गरे ।
अहिलेको संसद विघटन देशमा राजनीतिक स्थिरता र स्थायित्वको लागि भन्दै बादलले अहिलेका प्रधानमन्त्री ओलीको कदम जनतामुखी भएको बताए । जनताका लागि गरेको निर्णय भएकाले अबको चुनाव आफूहरुले जित्ने उनले बताए ।
बादलले आफ्ना गल्तीहरु स्वीकार गर्दै सच्चिएर पार्टीमा फर्कन प्रचण्ड-माधव समूहलाई आह्वान पनि गरेका छन् । पार्टीमा गरेका गल्तीहरुलाई आत्मालोचना गर्दै पार्टीमा आएर चुनावमा जान भनेका छन् ।
प्रतिक्रिया