काठमाडौं । प्रचण्ड–नेपालले नेतृत्व नेपाल कम्युनिष्ट पार्टी नेकपाको केन्दीय कमिटी बैठक अहिले बसिरहेको छ ।
काठमाडौंको बबरमहलस्थित कार्की पार्टी प्यालेसमा बसिरहेको बैठकले केपी शर्मा ओलीलाई पार्टीको साधारण सदस्य समेत नरहने गरी कारवाही गर्ने निर्णय गर्ने बताइएको छ । ओलीलाई साधारणसदस्यबाट हटाउने निर्णय यसअघि स्थायी कमिटी बैठकले गरिसकेको छ । सोही निर्णयलाई केन्द्रीय कमिटीले अनुमोदन गर्नेछ ।
यसैगरी बैठकले निर्वाचन आयोगले पाटीको आधिकारिकताका सम्बन्धमा गरेको व्याख्याबारे पनि छलफल गरी आवश्यक निर्णय गर्ने अधिकार स्थायी कमिटीलाई दिनसक्ने एक नेताले बताएका छन् ।
बैठकमा प्रतिगमन विरुद्ध जारी आन्दोलनको समीक्षा र आगामी २८ गते गर्न लागेको काठमाडौंको जनसभाको तयारीबारे समेत छलफल हुने ती नेताले बताएका छन् । नेकपा पुष ५ गते प्रधानमन्त्री ओलीले प्रतिनिधिसभा भंग गरेपछि नेकपा विभाजन भैसकेको छ ।
प्रचण्ड नेपाल पक्ष ओलीको प्रतिगमन विरुद्ध आन्दोलनमा रहेको छ ।
प्रतिक्रिया