काठमाडौं । ओली पक्ष निकट नेकपाका विद्यार्थी र युवाहरुले काठमाडौं उपत्यकामा मोटरसाइकल र्याली निकालेका छन् ।
२३ गते आयोजना गरेको शक्ति प्रदर्शनलाई प्रभावकारी बनाउन भन्दै ओली निकट राष्ट्रिय युवा संघ र अनेरास्ववियू नेपालले बुधबार काठमाडौं उपत्यकामा मोटरसाइकल र्याली निकालेका हुन् ।
ललितपुरको बालकुमारीबाट सुरु भएको र्याली सातदोबाटो, लगनखेल, जाउलाखेल, थापाथली, त्रिपुरेश्वर, सुन्धारा, जमल, दरबारमार्ग, नारायणहिटी गेट, जयनेपाल चोक, कमलपोखरी, रातोपुल, गौशाला, एयरपोर्ट हुँदै तीनकुने पुगेको समापन भएको छ ।
ओली नेकपाले २३ गते अहिलेसम्मकै सबैभन्दा ठूलो शक्ति प्रदर्शन गरेर विपक्षीहरुलाई देखाउन लागेको हो ।
ओली नेकपाको बागमती प्रदेश कमिटीले आयोजना गरेको सभामा बागमती प्रदेशका १३ वटै जिल्लाका कार्यकर्ता समर्थक उतार्ने तयारी छ । तर, कम्तिमा २ लाखको उपस्थिति देखाउने योजना बनाएको ओली नेकपाले देशभरबाट समेत कार्यकर्ता ओसार्दै छ ।
२३ गते नारायणहिटी राजदरबार अगाडिको दरबारमार्ग क्षेत्रमा ओली नेकपाको सभा हुँदैछ ।
प्रतिक्रिया