बुटवल । प्रधानमन्त्रीको प्रतिनिधिसभा विघटनका विरुद्धमा नेपाली कांग्रेस निकट पेशागत संजाल र जनबर्गिाय संगठनहरुले बुटवलमा सांकेतिक प्रदर्शन गरेका छन् । नेपाली कांग्रेसको केन्द्रीय कार्यक्रम अन्तर्गत कांग्रेस पार्टीको शुभेच्छुक संस्थाहरुले प्रतिनिधि सभा विघटन विरुद्ध शनिबार देशभर प्रदर्शन गरेका हुन् ।
कांग्रेसले तय गरेको आन्दोलनका कार्यक्रम अन्तर्गत पार्टीका १८ शुभेच्छुक संस्थाले बुटवलमा सरकार विरुद्ध प्रदर्शन गरे ।
बिहान बुटवलको राजमार्ग चौराहामा भेला भएका कांग्रेस भातृसंगठनका समर्थकहरुले राजमार्ग चौराहाबाट मिलनचौकसम्म प्रदर्शन गरेका थिए । उनीहरुले राजमार्ग चौराहदेखी मिलनचोक सम्म सडकको एकापट्टीको लेनमा मुखमा कालो माक्स लगाएर प्ले कार्ड र व्यानर सहित प्रदर्शन गरेका थिए।
कांग्रेसले संसद विघटनको विरुद्धको आन्दोलनलाई निश्क्रिय रहेका कार्यकर्ता परिचालनको माध्यम पनि बनाएको छ । यस अघि निर्वाचन क्षेत्र, पालिका हुंदै देशका सबै वार्डहरुमा प्रदर्शन गरेको कांग्रेसले आज शुभेच्छुक र जनवर्गिय संगठन परिचालन गरेको हो ।
प्रतिक्रिया