नेपालगञ्ज । कोरोना संक्रमणबाट बाँकेकी थप एक महिलाको मृत्यु भएको छ । भेरी अस्पताल नेपालगञ्जमा उपचारका क्रममा बाँके कोहलपुर नगरपालिका वडा नं. ११ की ६८ बर्षीया महिलाको मृत्यु भएको हो ।
गत माघ १४ गते कोरोना रिपोर्ट पोजेटिभ आएको ती महिलालाई सोही दिन साँझ साढे ५ बजेबाट भेरी अस्पतालमा भर्ना गरिएको थियो ।
कोरोना उपचारका लागि अपनाउनुपर्ने सबै किसिमको उपचार गर्दासमेत उनको शनिवार अपरान्ह ४ बजेर १८ मिनेटमा मृत्यु भएको जिल्ला कोभिड–१९ संकट व्यवस्थापन केन्द्र बाँकेका कोरोना फोकलपर्सन तेज ओलीले जानकारी दिए ।
त्तज मृत्यु भए सँगै कोरोना संक्रमणबाट बाँकेमा मृतकको संख्या ५४ पुगेको छ ।
प्रतिक्रिया