काठमाडौं । भारतको उत्तराखण्डमा हिमनदी विस्फोटमा परेर भएको ठूलो जनधनको क्षतिप्रति राष्ट्रपति विद्यादेवी भण्डारीले दुःख व्यक्त गरेकी छिन् ।
राष्ट्रपतिको आधिकारिक ट्वीटर ह्याण्डलमार्फत सन्देश जारी गर्दै राष्ट्रपति भण्डारीले बाढीका कारण जनधनको ठूलो क्षति भएकोमा दुःख व्यक्त गरेकी हुन् । भण्डारीले शोकाकुल परिवारमा गहिरो समवेदना प्रकट गरेकी छिन् ।
राष्ट्रपति भण्डारीले हिमनदी विस्फोटको घटनाबाट जलवायु परिवर्तनले ल्याएको चुनौतीको सामना गर्न हिमालय क्षेत्रका राष्ट्रहरु बीच अझ बलियो समन्वय आवश्यक भएको समेत जनाएकी छिन् ।
‘मित्रराष्ट्र भारतको उत्तराखण्डमा हिमनदी विस्फोट भई आएको बाढीका कारण जनधनको ठूलो क्षति भएकोमा दुस्ख व्यक्त गर्दै शोकाकुल परिवारमा गहिरो समवेदना प्रकट गर्दछु । यस घटनाबाट जलवायु परिवर्तनले ल्याएको चुनौतीको सामना गर्न हिमालय क्षेत्रका राष्ट्रहरू बीच अझ बलियो समन्वय जरुरी देखिएको छ।’
केही दिनअघि भारतको उत्तराखण्ड राज्यको चमोली जिल्लामा ग्लेसियर विस्फोट हुँदा धौलीगंगा नदीमा आएको बाढीले ठूलो मानवीय र भौतिक क्षति भएको थियो ।
प्रतिक्रिया