काठमाडौं । प्रचण्ड-नेपाल नेतृत्वको नेपाल कम्युनिष्ट पार्टी नेकपाको आयोजनामा काठमाडौंमा विरोधसभा सुरु भएको छ ।
सभास्थलमा अध्यक्षद्वय पुष्पकमल दाहाल प्रचण्ड, माधवकुमार नेपाल, वरिष्ठ नेता झलनाथ खनाल लगायतका नेताहरु मञ्चमा पुगिसकेका छन् ।
सभा सुरु हुनुअघि हुन लागेको बृहत आमसभा अगाडि विभिन्न स्थानबाट जुलुस निस्किएको छ । आमसभामा सहभागी हुन मुख्य जुलुसको सुन्धराबाट अध्यक्षद्वय पुष्पकमल दाहाल प्रचण्ड र माधवकुमार नेपालले गरेका छन् । केशरमहलबाट निस्किएको जुलुसको नेतृत्व दीनानाथ शर्मा, शक्ति बस्नेत, भीम रावल लगायतका नेताले गरेकाछन् ।
प्रतिनिधिसभा विघटनको विरोधमा गर्न लागेको विरोध प्रदर्शनमा २ लाख बढीको सहभागिता हुने दाबी नेकपाले गरेको छ ।
उपत्यकाका विभिन्न स्थानबाट जुलुस निस्किएको जुलुस आमसभास्थल रत्नपार्क भद्रकाली रोडमा पुगिरहेको छ । आमसभा सुरु हुनुअघि नै आमसभास्थलमा ठूलो संख्यामा मानिसहरु जम्मा भैसकेका छन् । पुल्चोक, माइतीघर, त्रिपुरेश्वरबाट पनि जुलुस निस्केको छ ।
जुलुसपछि आयोजना हुने सभालाई अध्यक्षद्वय पुष्पकमल दाहाल प्रचण्ड, माधवकुमार नेपाल, वरिष्ठ नेता झलनाथ खनाल, प्रवक्ता नारायणकाजी श्रेष्ठ, देव गुरुङ, रामकुमारी झाँक्री लगायतका नेताले सम्बोधन गर्ने भएका छन् ।
प्रतिक्रिया