१८ मंसिर २०७९, आइतबार | December 4, 2022

सामुदायिक विद्यालयमा दिवा खाजा



काठमाडौं । सामुदायिक विद्यालयमा अध्ययनरत विद्यार्थीलाई लक्षित गरी घोषणा गरिएको दिवा खाजा कार्यक्रम विद्यालयहरूमा शुरू गरिएको छ ।

कोरोना भाइरस न्यून हुँदै भौतिक रूपमा विद्यालय सञ्चालन हुन थालेपछि विद्यालयमा दिवा खाजा शुरू गरिएको हो । योसँगै अब सामुदायिक विद्यालयमा अध्ययनरत देशभरका विद्यार्थीले विद्यालयमा खाजा खाँदै पठनपाठन अगाडि बढाउन पाउने भएका छन् ।

शिक्षा तथा मानव स्रोत विकास केन्द्रका निर्देशक गणेश पौडेलले विद्यालयहरू भौतिक रूपमा सञ्चालनमा आएसँगै विद्यालयमा दिवा खाजा कार्यक्रम शुरू गरिएको जानकारी दिए ।

यसका लागि आवश्यक पर्ने बजेट स्थानीय तहमार्फत उपलब्ध गराइएको छ । केन्द्रका अनुसार एक विद्यार्थीलाई बढीमा १८० दिनका लागि खाजा रकम उपलब्ध गराइनेछ । कोरोना प्रभावका कारण विद्यालय पुनः सञ्चालनमा आउन बाँकी रहेका बाहेक अन्य विद्यालयमा विद्यालय खाजाको समस्या नहुने जनाइएको छ ।

काठमाडौँ महानगरपालिकाका शिक्षा अधिकृत मोतीराज खनालले काठमाडौँ महानगरपालिका मातहतका सार्वजनिक विद्यालय माघ ११ बाट मात्र सञ्चालनमा आएका कारण धेरै विद्यालयमा भर्खरै मात्र दिवा खाजा कार्यक्रम शुरू गरिएको जानकारी दिए । यसका लागि विद्यालयले प्रतिदिन प्रतिविद्यार्थी १५ रुपियाँ खर्च गरी रकम निकासाको माग गरेपछि विद्यालयको खातामा पठाइनेछ ।

कर्णालीका विद्यार्थीले भने प्रतिदिन २० रुपियाँ पाउनेछन् । विद्यालयले विद्यार्थीलाई खाजा खुवाएपछि पछिल्लो महिनाको ७ गतेभित्र निकासाका लागि निवेदन दिनुपर्ने प्रावधान महानगरले बनाएको छ । सरकारी विद्यालयमा गरिब तथा विपन्न वर्गका विद्यार्थीको उपस्थिति धेरै हुने गरेकाले दिवा खाजाले सकारात्मक प्रभाव पर्ने विश्वास शिक्षा अधिकृत खनालले व्यक्त गरे ।

सामुदायिक विद्यालय व्यवस्थापन समिति राष्ट्रिय महासङ्घका अध्यक्ष कृष्ण थापाले भौतिक रूपमा विद्यालय खुले लगत्तै दिवा खाजा कार्यक्रम शुरू हुनु सकारात्मक भएको उल्लेख गरे ।

नेपाल अभिभावक महासङ्घका अध्यक्ष सुप्रभात भण्डारीले सामुदायिक विद्यालयमा अध्ययन गर्ने गरिब तथा विपन्न वर्गका विद्यार्थीलाई लक्षित गरी ल्याइएको दिवा खाजा कार्यक्रम स्वागतयोग्य भएको बताए । उक्त समाचार आजको गोरखापत्र दैनिकमा छापिएको छ ।

 

प्रकाशित मिति : २९ माघ २०७७, बिहिबार  ७ : ०४ बजे

अमेरिकालाई हराउँदै नेदरल्यान्ड्स क्वार्टरफाइनलमा

काठमाडौं । अमेरिकालाई ३-१ ले पराजित गर्दै नेदरल्यान्ड्स कतार विश्वकप

स्याङ्जा-२ बाट प्रतिनिधिसभा सदस्यमा कांग्रेस उपसभापति धनराज गुरुङ विजयी

काठमाडौं । स्याङ्जा निर्वाचन क्षेत्र नं २ बाट प्रतिनिधिसभा सदस्यमा

बाजुरा प्रदेशसभा (१) मा नेकपा एकीकृत समाजवादीका शाही विजयी

बाजुरा । बाजुराको प्रदेशसभा निर्वाचन क्षेत्र नम्बर (१) मा नेकपा

माओवादीको निस्कर्ष : प्रतिनिधिसभामा सोचे जति सिट आएन, प्रदेशसभा सन्तोषजनक नै

काठमाडौं । नेकपा (माओवादी केन्द्र)ले प्रतिनिधिसभा निर्वाचनमा सोचेजति परिणाम आउन

नेकपा एकीकृत समाजवादीका अध्यक्ष नेपाल र कांग्रेस उपसभापति खड्काबीच भेटवार्ता

काठमाडौं । नेपाली कांग्रेसका उपसभापति पूर्णबहादुर खड्का र नेकपा एकीकृत