काठमाडाै । प्रधानमन्त्री केपी शर्मा ओलीले आगामी महाधिवेशनबाट नेतृत्व युवा पुस्तामा हस्तान्तरण गर्ने र प्रधानमन्त्रीमा आफु नदोहोरी घोषणा गरिरहेका बेला नेकपा ओली पक्षका महासचिव बिष्णु पौडेलले भने आगामी महाधिवेशन र नयाँ बन्ने सरकारको नृतृत्व केपी ओलीले नै गर्नु पर्ने बताएका छन् । नेकपा ओली पक्षको लुम्बिनी प्रदेश कमिटीले आज बुटलमा आयोजना गरेको जनसभालाई सम्बोधन गर्दै पौडेलले बैशाखको निर्वाचन पछि पनि ओली नेतृत्व मुलुकले ओली कै नेतृत्व खोजेको बताए ।
उनले प्रतिपक्षले समेत सरकारको विरोध गर्न नसकेका बेला पार्टी भित्रैबाट जालझेल र षडयन्त्र गरेर प्रधानमन्त्री ओलीलाई असहयोग भएको भन्दै पार्टी भित्र केहि नलागेपछि केही स्वार्थी तत्वहरु पार्टीबाट किनारा लागेको बताए । पौडेलले कम्युनिष्ट पार्टी विभाजित नभएको बताउंदै आगामी दिनमा पनि विभाजित हुन नदिईने स्पष्ट पारे । उनले दुनियाका कोही ताकतले बैशाखमा हुने चुनाव रोक्न नसक्ने बताउँदै हिजो हारेका स्थानमा पनि चुनाव जितेर देखाउने दाबी गरे ।
उनले प्रचण्ड-नेपाल पक्षले पार्टी र मुलुकको सत्ता कब्जा गर्ने महत्वाकांक्षाले गर्दा केहि नेताहरु पार्टीबाट चोँईटिएर गएको बताए । उनले पार्टी विभाजन नभएको दाबी गर्दै केहि पार्टी भित्रका जङगली प्रबृर्ति भएका ब्यक्तिहका कारण पार्टी विभाजन हुने होकी भन्ने आशंका उत्पन्न भएको बताए ।
उनले सडकमा गएका केहि नेता कार्यकर्ताहरु अलमलमा रहेपनि केहि मुट्ठीभर तत्वहरु पार्टी छाडेर गएको बताए ।
प्रतिक्रिया