आचारसंहिताबारे छलफल गर्न दलहरूलाई बोलायो आयोगले

काठमाडौं । निर्वाचन आचार संहिताबारे छफलफल गर्न निर्वाचन आयोगले आज सबै राजनीतिक दलका प्रतिनिधिहरुसँग छलफल गर्दैछ ।

सरकारले तोकेको आगामी बैशाख १७ र २७ गते गर्ने भनेको चुनावका लागि तयार आचारसंहिताबारे आयोगले बिहान ११ बजे छलफलको आयोजना गरेको हो ।

आफुले तयार पारेको  निर्वाचन आचारसंहिताको मस्यौदाबारे छलफल गर्न लागेको आयोगले जनाएको छ । छलफलमा आचारसंहिताबारे दलहरूको राय लिइने आयोगका प्रवक्ता राजकुमार श्रेष्ठले वनाएका छन् ।

छलफलमा नेकपाका दुवै समुह, नेपाली काँग्रेस लगायतका सबै पार्टीका प्रमुखहरूलाई बोलाइएको छ । छलफलपछि निर्वाचन आचारसंहिता सार्वजनिक गर्ने आयोगले जनाएको छ ।

निर्वाचन आयोगले नेकपाको आधिकारिकताबारे निर्णय गर्न भने अझै सकेको छैन ।