काठमाडौं । सुशिला कार्की नेतृत्वको अन्तरिम सरकारका अर्थमन्त्री रामेश्वर खनालले प्रस्तावित प्रधानमन्त्री बालेन्द्र शाहको शपथको साइत हेराइका विषयमा टिप्पणी गरेका छन् । अर्थमन्त्री खनालले शपथका लागि साइत जुराईएको विषय आफुलाई मन नपरेको भन्दै सामाजिक सञ्जाल मार्फत टिप्पणी गरेका हुन् ।
उनले आफुहरु सरकारमा जाँदा साइत हेर्ने, देखाउने छुट वा समय नै नभएको उल्लेख गर्दै अर्थमन्त्री खनालले साइत नहेराई बनेको सरकारले इतिहासमा पहिलो पटक स्वच्छ निर्वाचन सम्पन्न गरेको दाबी समेत गरेका छन् ।
‘यो साइत देखाएर सपथ ग्रहण गर्ने परम्परा कत्ति मन परेन,’ उनले सामाजिक सञ्जालमा लेखेका छन्, ‘हामीलाई साइत हेर्ने, देखाउने छुट वा समय नै थिएन !!!, तर, इतिहासमा पहिलो पटक स्वच्छ निर्वाचन सम्पन्न भयो त !!!! ।’
प्रस्तावित प्रधानमन्त्री शाहले भने ज्योतिषहरुबाट निकालिएको साइतमा शंखध्वनी र स्वस्तीवाचन सहित शपथ ग्रहण गर्ने तयारी गरेका छन् । शुक्रबार १२ः३४ बजे शपथ र पदबहालीका लागि २ः१५ बजे उपयुक्त साइत निकालिएको छ ।
प्रतिक्रिया