काठमाडौं । प्रचण्ड नेपाल नेकपा निकट विद्यार्थीहरुले पेट्रोलियम पदार्थमा गरिएको मूल्यवृद्धिको विरोधमा प्रदर्शन गरेका छन् ।
अनेरास्ववियूले काठमाडौंको प्रदर्शनीमार्गस्थित रत्नराज्य क्याम्पस अगाडि मूल्यवृद्धिको विरोधमा प्रदर्शन गरेको हो । त्यसक्रममा प्रदर्शनकारी विद्यार्थीले पेट्रोलियममा गरिएको मूल्यवृद्धि फिर्ताको माग गर्दै नारावाजी गरेका छन् ।
अनेरास्वयूले मूल्यवृद्धिको विरोधमा देशभरका क्याम्पस अगाडि प्रदर्शन गरिएको जनाएको छ । यसैगरी आजै दिउँसो नेपाल आयल निगमको केन्द्रीय कार्यालय अगाडि पनि प्रदर्शन गर्ने पनि अनेरास्वयूले जनाएकोछ । त्यसक्रममा मूल्यवृद्धिको विरोधमा ज्ञापनपत्रसमेत बुझाउने तयारी छ ।
नेपाल आयल निगमले अन्तराष्ट्रिय बजारमा पेट्रोलियम पदार्थको मूल्य घटबढ भएका कारण देखाउँदै एकसातामै दुई पटक डिजेल र पेट्रोलको भाउ बढाएको थियो । तर, सरकारले पेट्रोलियम पदार्थमा शतप्रतिशत कर असुली गरिरहेका कारण उपभोक्ताले मूल्यवृद्धिको मार खेप्न बाध्य बनेका छन् । नयाँ मूल्यसूचीअनुसार पेट्रोल १ सय १४ रुपैयाँ, डिजेल ९७ रुपैयाँ, मट्टीतेल ९७ रुपैयाँ र हवाई इन्धन ६७ रुपैयाँ रहेको छ ।
प्रतिक्रिया