१६ मंसिर २०७९, शुक्रबार | December 2, 2022

एक्सपर्ट मिडियाकप भलिबल प्रतियोगिताको उपाधि आयोजक लुम्बिनी टेलिभिजनलाइ



बुटवल । लुम्बिनी सामुदायिक टेलिभिजनले आयोजना गरेको एक्सपर्ट मिडियाकप भलिबल प्रतियोगिताको उपाधि आयोजक आफैले जितेको छ ।

शुक्रबार सम्पन्न फाइनल खेलमा बुद्ध टेलिभिजनलाई २ शुन्यको सोझो सेटमा पराजित गर्दै लुम्बिनीले उपाधि जित्न सफल भएको हो । उपाधिसंगै आयोजक लुम्बिनी टेलिभिजनले नगद २५ हजारसहित कप, मेडल र प्रमाणपत्र प्राप्त गरेको छ । उपविजेता बनेको बुद्ध टेलिभिजनले नगद १५ हजार, कप, मेडल र प्रमाणपत्र प्राप्त गरेको छ ।

यस्तै राज्य टेलिभिजन तृतीय हुंदै नगद ५ हजारसहित कप, मेडल र प्रमाणपत्र प्राप्त गरेको छ भने प्रतियोगितामा ग्लोबल आवाज सान्त्वना भएको छ । प्रतियोगितामा अन्तिम चारमा पुग्ने टिमले जर्सि समेत प्राप्त गरेका छन् । यस्तै प्रतियोगितामा उत्कृष्ट खेलाडी लुम्बिनी टेलिभिजनका गोविन्द घर्ति भएका छन ।

त्यस्तै लुम्बिनीकै विष्णु घिमिरे उत्कृष्ट स्पाईकर, दिपु मगर उत्कृष्ट सेटर, अनुशासित खेलाडी विकास पराजुली र बुद्ध टेलिभिजनका दिनेश श्रेष्ठ उत्कृष्ट व्लकर हुंदै कप मेडल र नगद १ हजार पुरस्कार प्राप्त गरेका छन ।

प्रतियोगितामा प्रथम, द्धितिय र तृतिय हुने टिम तथा उत्कृष्ट खेलाडीहरुलाई लुम्बिनी टेलिभिजनका अध्यक्ष एजाज आलम, प्रतियोगिताका प्रायोजक संस्थाका प्रमुख तथा प्रतिनिधिहरुले कप, मेडल प्रमाणपत्र र पुरस्कार प्रदान गरेका थिए ।

टेलिभिजनका अध्यक्ष एजाज आलमको अध्यक्षता तथा महासचिव दिनेश पाण्डेको संचालनमा भएको पुरस्कार वितरण कार्यक्रममा नेपाल पत्रकार महासंघ लुम्बिनी प्रदेशका अध्यक्ष भरत केसीले संचारमाध्यम तथा संचारकर्मीबीच हुने मैत्रीपूर्ण प्रतियोगिताले सामीप्यता बढाउने बताए । खेलकुद पत्रकार मञ्च रुपन्देहीका अध्यक्ष सुमन अधिकारीले खेलकुदको विकासको लागि र मिडियाकर्मीहरुको रिफ्रेसको लागि पनि समयसमयमा यस्ता प्रतियोगिता हुन जरुरी रहेको बताए ।

तिलोत्तमा २ योगिकुटी स्थीत मणिमुकुन्द भलिबल क्लबको खेल मैदानमा दुईदिनसम्म चलेको प्रतियोगितामा रुपन्देहीका १३ सञ्चार संस्थाहरुको सहभागिता रहेको खेल संयोजक विकास पराजुलीले बताए । प्रतियोगिताको विहीबार लुम्बिनी प्रदेशका पर्यटनमन्त्री लिला गिरीले उद्घाटन गरेका थिए ।

प्रकाशित मिति : ७ फाल्गुन २०७७, शुक्रबार  ८ : ०७ बजे

स्याङ्जा–२ मा कांग्रेसका गुरुङको अग्रता कायमै

स्याङ्जा । स्याङ्जा क्षेत्र नं २ मा प्रतिनिधिसभा सदस्यमा नेपाली

नवलपरासी जिप दुर्घटना अपडेट : मृतक चारै जनाको सनाखत

नवलपरासी । नवलपरासीे (बर्दघाट सुस्तापूर्व)को धौवादीमा भएको जिप दुर्घटनामा मृत्यु

गृहमन्त्री खाँण र विप्लव नेतृत्वको नेकपाका प्रवक्ता प्रकाण्डबीच भेटवार्ता

काठमाडौं । गृहमन्त्री बालकृष्ण खाँण र नेपाल कम्युनिस्ट पार्टीका प्रवक्ता

नवलपरासी जिप दुर्घटना : मृत्यु हुनेको सङ्ख्या चार पुग्यो

नवलपरासी । नवलपरासी (बर्दघाट सुस्ता पूर्व) को धौवादीमा भएको जिप

प्रचण्ड भेटे सीके राउतले

काठमाडौं । जनमत पार्टीका अध्यक्ष तथा नव निर्वाचित सांसद डा.