विराटनगर । नेकपा ओली पक्षको जनसभा भएको नजिकै नेकपा प्रचण्ड-नेपाल पक्षका कार्यकर्ताहरुले प्रधानमन्त्री केपी ओली विरुद्ध प्रदर्शन गरेका छन् । जनसभालाई सम्बोधन गर्न ओली विराटनगरमा पुगेलगत्तै प्रचण्ड–नेपाल पक्षका कार्यकर्ताले प्रदर्शन गरेका हुन् ।
ओली सवार सडक अगाडि पुगेर प्रचण्ड–नेपाल पक्षका अनेरास्ववियूका नेता वासिम आलमसहितका कार्यकर्ताले कालोझण्डा देखाउँदै ओली सरकार विरुद्ध नाराबाजी गरेपछि प्रहरीले हस्तक्षेप गरेको छ ।
प्रधानमन्त्री ओली विराटनगर एयपोर्टमा झरेलगत्तै विद्यार्थीहरुले एयरपोर्ट मोडमा १०।१२ जना व्यक्तिले प्रधानमन्त्री ओली विरुद्ध नाराबाजी गरेको र उनीहरुलाई तुरुन्तै तितरबितर पारिएको प्रहरीले जनाएको छ । नाराबाजीकै क्रममा प्रहरी र प्रदर्शनकारीबीच झडपसमेत भएको थियो ।
नेकपा ओली पक्षको विराटनगरमा हुने आमसभालाई सम्बोधन गर्न प्रधानमन्त्री ओली विराटनगर प
गेका छन् ।
प्रधानमन्त्री आउने भएपछि विराटनगरमा सुरक्षा व्यवस्था कडा बनाइएको छ ।
प्रतिक्रिया