काठमाडौं । नेकपा (माओवादी केन्द्र) का अध्यक्ष प्रचण्डले एमाले अध्यक्ष केपी शर्मा ओलीलाई कटाक्ष गर्दै पार्टीभित्र लज्जास्पद पराजय भोगेपछि अर्कालाई दोष लगाएको बताएका छन् ।
सरकारको नीति तथा कार्यक्रममाथिको छलफलमा भाग लिँदै प्रचण्डले ओलीले चुनावमा पार्टी पराजय भएपछि अलिकति आत्मसमीक्षा गरे होलान भनेको त झन ठूलो अभिमानका साथ प्रस्तुत भएको जिकिर गरे ।
प्रचण्डले शान्ति प्रक्रियाका बारेमा ओलीले अझै पनि अपमानजनक टिप्पणी गरेको भन्दै त्यसविरुद्ध रोष प्रकट गरे । उनले ओली लगायतका एमालेका धेरै नेताहरुले मान्छेको टाउको काटेर आएको स्मरण गर्दै भने, ‘तपाईंहरु टाउको काट्ने मान्छे होइन ? हत्याराको रुपमा जेल बसेको होइन ? भन्यो भने के हुन्छ रु त्यो भन्नु जायज हुन्छ ?’
तर, आफुले एमाले नेताहरुलाई त्यसरी आरोपित गर्न नचाहेको जिकिर गरे । प्रचण्डले भने ‘हामीले ती कुरालाई पटक(पटक एकले अर्कालाई अपमानित गर्ने ढंगले लियौं भने हामी यो सिस्टममार्फत नेपाली जनतालाई जे दिन खोजेका छौं त्यो दिन सकिने छैन् ।’
प्रतिक्रिया