सर्वोच्चले अस्थिरताको खेल सुरु गरिदिएको मुख्यमन्त्री पोखरेलको आरोप

बुटवल । प्रधानमन्त्री केपी ओलीका हरेक असंवैधानिक कदमका पहरेदार रहँदै आएका लुम्बिनी प्रदेशका मुख्यमन्त्री शंकर पोखरेलले सर्वोच्च अदालतको फैसललाले अस्थिरताको खेल सुरु गर्ने टिप्पणी गरेका छन् । उनले आफ्नो फेसबुक वालमा स्टाटस पोष्ट गर्दै प्रतिनिधि सभा विघटनलाई बदर गर्ने सर्वोच्च अदालतको फैसलाले अस्थिरताको खेल सुरु गर्ने टिप्पणी गरेका हुन् ।

प्रधानमन्त्रीको कदमको प्रतिरक्षा गर्ने मात्र नभई थप उत्तेजित पार्दै गलत कदम चाल्न उक्साउनेमा पहिलो पङ्तीमा रहेका पोखरेलले सामाजिक सञ्जालमा भनेका छन्, ‘सर्वोच्चको फैसलाबाट सुरु हुने अस्थिरताको खेलले प्रधानमन्त्रीको कदमको औचित्य पलपल पुष्टि गर्नेछ, हिम्मत र धैर्यताका साथ अघि बढौं,’ ।

प्रधानमन्त्री ओलीले पुस ५ गते प्रतिनिधि सभा विघटन गर्ने निर्णयपछि लगातार ओलीलाई उक्साउन उद्देत पोखरेलले मंगलबार मध्यान्ह सम्म पनि बैशाखमा तोकिएकै मितिमा निर्वाचन हुने र प्रचण्ड-नेपाल पक्षको जमानत जफत हुने भाषण गर्दै थिए । सोमबार मात्र गुल्मीमा गोकर्ण बिष्टलाई सडकमा पु¥याउने उदघोष गरेका पोखरेललाई मंगलबार भने सर्वोच्चले साईज चिनाईदिएको छ ।