शिक्षामन्त्री श्रेष्ठको दाबी : प्रधानमन्त्रीको राजीनामा आउँदैन, चुनाव जहिले हुन्छ यही सरकारले गर्छ

काठमाडौं । शिक्षामन्त्री कृष्णगोपाल श्रेष्ठले प्रधानमन्त्रीले राजीनामा नदिने बताएका छन् ।

सीटीईभीटीको ३३ औं वार्षिकोत्सवलाई सम्बोधन गर्दै मन्त्री श्रेष्ठले प्रधानमन्त्रीले राजीनामा नदिने बताउँदै आगामी दिनमा समेत यही सरकारले निरन्तरता पाउने दाबी गरेका छन् ।

श्रेष्ठले प्रधानमन्त्रीले आफु विरुद्ध अविश्वासको प्रस्ताव आए डटेर सामना गर्ने बताए । उनले आफुहरुसँग एक से एक राजनीति खेल जानेका नेताहरु भएका कारण कसैसँग डराउन नपर्ने दाबी गरे । मन्त्री श्रेष्ठले अब यही सरकार चुनावी सरकार बनेर आगामी चुनाव सम्पन्न गर्ने दाबी समेत गरे ।

‘काठको ज्यानमा मयुरको प्वाँख हालेकाहरूले केही गर्न सक्दैनन् । खेल त अब भर्खर शुरू भएको छ । हामीसँग पेले, मेस्सी र रोनाल्डोहरू छन्’, उनले भने, ‘यही सरकार निरन्तर हुन्छ र अबको सरकार चुनावी सरकार हुन्छ ।’

देशलाई फोहोरी खेलबाट मुक्त गर्ने काम प्रधानमन्त्री ओली बाहेक अरु कसैले गर्न नसक्ने श्रेष्ठले बताए ।