१८ मंसिर २०७९, आइतबार | December 4, 2022

सर्वोच्चको फैसलापछि रोकिएको शिलान्यास र उदघाटन अभियान पुनः सुरु, प्रधानमन्त्री ओली झापा जाँदै



काठमाडौं । सर्वोच्च अदालतले बदर गरिदिएको बैशाखको निर्वाचनलाई लक्षीत ओली सरकारको शिलान्याश र उदघाटन कार्यक्रमलाई प्रधानमन्त्री केपी ओलीले निरन्तरता दिएका छन् ।

देशैभरका उदघाटन हुन बाँकी योजनाहरुको उदघाटन र भावी योजनामा परेका कार्यक्रमहरुको शिलान्याश गर्ने अभियानकासाथ ओली सरकारले सुरु गरेको चुनावी दौडाहाका केहि कार्यक्रम स्थगित भएपनि आजबाट प्रधानमन्त्री ओली गृह जिल्ला झापा पुगेर उदघाटन र शिलान्यास दौडाहालाई निरन्तरता दिन थालेका हुन् ।

सर्वोच्चको फैसला पछि रुपन्देहीको मोतीपुर औद्योगिक क्षेत्रको शिलान्यास रोकिएको थियो । अर्थमन्त्री विष्णु पाैडेलले फागुन १३ गते शिलान्यास गर्ने तय भएको कार्यक्रम अचानक रोकिएको थियो ।

प्रधानमन्त्रीले आज गृह जिल्ला झापा पुगेर औद्योगिक क्षेत्र शिलान्यास लगायतका कार्यक्रममा सहभागीता जनाउने छन् ।

प्रधानमन्त्रीले झापाको दमक नगरपालिका, कमल गाउँपालिका र गौरादह नगरपालिकामा फैलिएको एउटा औद्योगिक क्षेत्रको शिलान्यास गर्नेछन् । उक्त औद्योगिक क्षेत्रलाई ‘चीन-नेपाल मैत्री औद्योगिक पार्क’ नाम दिइएको छ । ६४ अर्ब रुपैयाँ लगानी रहने ‘चीन-नेपाल मैत्री औद्योगिक पार्क’ पीपीपी मोडलमा निर्माण गर्ने सम्झौता भइसकेको छ ।

सरकारले एक सातामा पाँच वटा औद्योगिक क्षेत्र शिलान्यास कार्यक्रम निर्धारण गरेको थियो । सो कार्यक्रमअनुसार फागुन १० गते कञ्चनपुरको दैजीछेला औद्योगिक क्षेत्र, फागुन ११ गते बाँकेको नौबस्ता औद्योगिक क्षेत्रको शिलान्यास भएपनि फागुन १३ गतेको रुपन्देहीको मोतीपुर औद्योगिक क्षेत्रको शिलान्यास कार्यक्रम भने स्थगित भएको थियो । त्यसैगरि १४ गतेको मकवानपुरको औद्योगिक क्षेत्र शिलान्यास पनि रोकिएको थियो ।

प्रकाशित मिति : १६ फाल्गुन २०७७, आइतबार  ८ : ४६ बजे

बर्मामा ७ विद्यार्थीलाई मृत्युदण्ड

यांगुन । म्यानमारको जुन्ता सरकारले यस साता  थप  सात जनालाई

समानुपातिकतर्फ एक करोड चार लाख मत गनियो, कसकाे कति ?

काठमाडाैं । प्रतिनिधिसभा र प्रदेशसभाको समानुपातिकतर्फको मतगणना जारी छ ।

पर्यटकलाई आकर्षित गराउँदै दगामका ‘होमस्टे’

गण्डकी । उत्तरपट्टि लस्करै मिलेका चाँदीजस्तै टलक्क टल्केका हिमाल ।

एमाले नेता रिजाल भन्छन्- माओवादी छिटोभन्दा छिटो दक्षिणपन्थ छाडेर वामपन्थतिर फर्किनुपर्छ

काठमाडौं । नेकपा एमालेका नेता विष्णु रिजालले माओवादी केन्द्रले छिटोभन्दा

फिफा विश्वकप २०२२ : आज फ्रान्स र पोल्यान्ड तथा इंग्ल्यान्ड र सेनेगल भिड्दै

काठमाडौं । कतार फिफा विश्वकप २०२२ अन्तर्गत आइतबार प्रिक्वाटरफाइनलका दुई