काठमाडौं । प्रचण्ड-नेपाल नेतृत्वको नेपाल कम्युनिष्ट पार्टी नेकपाले संसदीय दलको उपनेताबाट सुवास नेम्वाङलाई हटाएको छ ।
पार्टी कार्यालय पेरिसडाँडामा बसेको बैठकले संसदीय दलको उपनेता रहेका नेम्वाङलाई पदबाट हटाएको हो ।
केन्द्रीय कमिटी बैठक बस्नु अघि बसेको स्थायी कमिटी बैठकले नेम्वाङलाई उपनेताबाट हटाउने प्रस्ताव केन्द्रीय कमिटीमा लगेको थियो ।
नेम्वाङलाई संसदीय दलको उपनेताबाट तीन दिनभित्र राजीनामा दिन बैठकले निर्देशन दिएको छ। नेम्वाङ अहिले नेकपाको ओली पक्षका नेता हुन् ।
संसदीय दलका नेता विरुद्ध एक चौथाई सांसदले निवेदन दर्ता गरे दलको उपनेताले १५ दिनभित्र अनिवार्य रुपमा संसदीय दलको बैठक बोलाउनुपर्ने नेकपा संसदीय दलको विधानमा लेखिएको छ ।
तर, उपनेता ओली पक्षतिर हुँदा प्रचण्ड नेपाल पक्षले ओली विरुद्ध संसदीय दलभित्रै औपचारिक रुपमा अविश्वासको प्रस्ताव ल्याउन सकेको थिएन ।
प्रतिक्रिया