बुटवल । भैरहवामा अन्तरराष्ट्रिय विमानस्थल संचालन हुँदैमा लुम्बिनीमा पर्यटक नबढ्ने सरोकारवालाले बताएका छन् । नेपाल पर्यटन बोर्डले लुम्बिनीको एकीकृत ब्राण्डिङका बिषयउमा आज रुपन्देहीमा गरेको कार्यक्रममा सहभागी वक्ताहरुले लुम्बिनीमा अन्तरराष्ट्रिय पर्यटक भित्राउनका लागि एकीकृत ब्राण्डिङ गरिनु पर्ने बताए । उनीहरुले ब्राण्डिङमा सत्य र तथ्यमा आधारित कथा झल्केको हुनु पर्ने बताउँदै फकर फकर कथा पस्केर पर्यटकलाई आकर्षण दिन नसकिने धारणा राखे । पछिल्लो समय महिला पर्यटकहरुले पुरुषले भन्दा बढी खर्च गर्ने क्षमता राख्ने गरेको भन्दै सहभागीहरुले बिश्व समूदायका ५० लाख महिला लुम्बिनीमा आउने गरि ब्राण्डिङ गर्नु पर्ने सुझाव दिए ।
कार्यक्रममा बोल्दै लुम्बिनी प्रदेश योजना आयोगका उपाध्यक्ष डा. इश्वर गौतमले विश्वभरीका बौद्धिस्ट महिलाहरुलाई बच्चा जन्माउनकै लागि लुम्बिनी आउने वातवरण बनाउन लुम्बिनीमा वर्थिङ सेण्टर बनाउने योजना अगाडी सारेको बताए । उनले प्रदेश सरकार उच्च प्राथमिकताका साथ लुम्बिनीलाई ब्राण्डिङ गर्ने योजनामा लागेको बताउँदै त्यसमा सबैको सहयोग आवश्यक रहेको बताए ।
कार्यक्रममा बोल्दै नेपाल सरकारका सदभावना राजदुत बिक्रम पाण्डे काजीले बिश्वमा महिलाहरुले बराबर पुरुषले खर्च गर्न नसक्ने भन्दै लुम्बिनीमा हलिाहरुलाई आकर्षण दिनसक्नु पर्ने बताए ।
नेपाल पर्यटन बोर्डका प्रमुख कार्यकारी अधिकृत धनन्जय रेग्मीले बुद्ध धर्म संगै यस आसपासमा रहेका हिन्दु धार्मिस्थल पनि जोडेर प्याकेज बनाउन सकिए लुम्बिनीमा पर्यटकको आगमन बढाउन सकिने बताए ।
सहभागीहरुले लुम्बिनीको लोगा बनाउँदा नेपाली माटोमा जन्मेको रन्जना लिपी प्रयोग गर्न सुझाव दिंदै मौलीक र सर्वसाधारणले बुझ्ने प्रकृतिको लोगो बनाउन आवश्यक रहेको बताएका थिए ।
प्रतिक्रिया