सिंहदरबारमा जसपा संसदीय दलको बैठक

काठमाडौं । जनता समाजवादी पार्टी (जसपा)को संसदीय दलको बैठक सुरु भएको छ ।

जसपा संसदीय दलको कार्यालयमा सिंहदरबारमा सुरु भएको बैठकमा संसदीय दलको विधान पारित, दलको नेता चयन र सत्ता समिकरणका विषयमा छलफल हुने बताइएको छ ।

गत बैशाख १० गते राष्ट्रिय जनता पार्टी नेपाल र समाजवादी पार्टीबीच पार्टी एकीकरण भएपनि संसदीय दलको एकीकरण भएको थिएन । यो बैठकले संसदीय दलको नेता चयन गर्ने बताइएको छ ।
यससँगै सत्ता समिकरणमा निर्णायक देखिएको जसपाले सत्तारुढ एमाले र विपक्षी कांग्रेस एवं माओवादी केन्द्रसँग सत्ता समिकरणबारे पनि निरन्तर छलफल गरिरहेको छ । जसपाले आफ्ना मागलाई जसले पुरा गर्छ उसैसँग सत्तासहकार्य गर्ने जनाइसकेको छ । जसपाभित्र पूर्व राजपा पक्षधर महन्थ ठाकुर र राजेन्द्र महोतोहरु हावी भएका छन् । पूर्व समाजवादी पार्टीका उपेन्द्र यादव र बाबुराम भट्टराईहरुले भने प्रधानमन्त्री केपी शर्मा ओलीाई साथ दिनै नहुने बताउँदै आएका छन् ।