बर्दिया । बर्दियाको राजापुर नगरपालिका १० मा दुईवटा मोटरसाइकल एक आपसमा ठोक्किँदा एक जनाको मृत्यु भएको छ । दुर्घटनामा तीन जना घाइते भएका छन् ।
मोटरसाइकल चालक गेरुवा गाउँपालिका ३ बस्ने ३२ वर्षीय तपेश सोडारीको मृत्यु भएको हो । राजापुर नगरपालिकाको खैरीचन्दनपुरबाट मानाउँतर्फ जाँदै गरेको भे ६ प २४०८ नम्बरको मोटर साईकल र विपरीत दिशाबाट आउँदै गरेको से ७ प ५६९३ नम्बरको मोटरसाईकल एक आपसमा ठोक्किएका थिए ।
मोटरसाइकल ठोक्किँदा चालक तपेश सोडारी टाउकोको भित्रि भागमा चोट लागि गम्भीर अवस्थामा घाइते भएको थिए । उनको जिल्ला अस्पतालमा उपचारको क्रममा मृत्यु भएको प्रहरीले जनाएको छ ।
भे ६ प २४०८ र्न को मोटरसाइकल चालक मधुवन नगरपालिका ६ बस्ने रोशन पुन मगरलाई हात र खुट्टामा सामान्य चोट लागेको छ । मोटरसाइकलमा सवार रहेका मदन गुरुङ्ग, गगन अधिकारीलाई पनि सामान्य चेट लागेको जिल्ला प्रहरी कार्यालयका प्रहरी नायव उपरीक्षक हेमबहादुर शाहीले बताए ।
प्रतिक्रिया