काठमाडौं । नेकपा एमालेका वरिष्ठ नेता माधवकुमार नेपालले एमाले भित्र आएको बिग्रह र बितण्डाको जिम्मेवारी प्रधानमन्त्री केपी ओलीले लिनु पर्ने बताएका छन् ।
बुधबार एमालेको नेपाल पक्षले गरेको राष्ट्रिय कार्यकर्ता भेलालाई सम्बोधन गर्दै वरिष्ठ नेता नेपालले ओलीकै कारण पार्टीमा वितण्डा मच्चिएको बताए । उनले पार्टीभित्र भएको विग्रह र वितण्डाको मुख्य कारक नै ओली भएको बताए ।
उनले ओलीकै कारण पार्टीमा वितण्डा मच्चिएको र पार्टी विभाजन र विसर्जनको दिशामा पुगेको आरोप लगाउँदै अनेपेक्षितरुपमा सवोच्चले एमाले ब्युँताईदिएपछि सबेकुरा बिर्सेर शुन्यबाट पार्टी निर्माण गरौं भन्दा ओली नमानेको बताए ।
अहिले सबैको जिम्मेवारी कम्युनिष्ट आन्दोलन बचाउने भएको बताउँदै नेपालले एमाले बचाउन बिधि, बिधान, सिद्धान्तलाई आत्मसाथ गर्न आवश्यक रहेको बताए । पार्टीलाई ब्यापक लोकतान्त्रिकरण गर्दै समाजबादको बाटो तय गर्नु एमालेको कार्यभार भएको बताउँदै त्यसलाई साकार पार्नु सबैको कर्तब्य भएको बताए ।
प्रतिक्रिया