काठमाडौं । अन्ततः नेकपा एमाले औपचारिक रुपमा विभाजित भएको छ ।
एमालेका वरिष्ठ नेता माधवकुमार नेपाल पक्षले नयाँ पार्टी बनाएको छ । नेपाल पक्षीय नेताहरुको काठमाडौंको वानेश्वरस्थित एक होटलमा बसेको बैठकले नेकपा एमाले (समाजवादी) नाम गरेको पार्टी गठन गर्ने निर्णय गरेको हो ।
राष्ट्रपति विद्यादेवी भण्डारीले राजनीतिक दल विभाजन सम्बन्धी अध्यादेश प्रमाणिकरण गरे लगत्तै नेपाल पक्षले एमाले समाजवादी गठन गर्ने औपचारिक निर्णय गरेको हो ।
एमाले समाजवादीको संयोजकमा माधवकमार नेपाल चुनिएका छन् । पार्टी केन्द्रीय कमिटी ९५ सदस्यीय बन्ने भएको छ ।
एमाले समाजवादीका नेताहरु निर्वाचन आयोग पुगेर दल दर्ताका लागि निवेदन दर्ता गराएका छन् । पार्टीको चुनाव चिन्ह खुला किताब चयन गरिएको छ । निर्वाचन आयोगले अब प्रक्रिया पुरा गरेर नयाँ पार्टीलाई औपचारिक मान्यता दिनेछ ।
प्रतिक्रिया