१२ किलो चरेश सहित २ जना पक्राउ

खबर कुरा
१२ चैत्र २०७७, बिहीबार

नेपालगन्ज । बाँके प्रहरीले १२ किलो लागु औषध चरेस सहित २ जनालाई पक्राउ गरेको छ । बाँकेको कोहलपुरको एक होटलबाट प्रहरीले १२ किलो चरेस सहित २ जनालाई पक्राउ गरेको हो ।

कोहलपुर चप्परगौडी स्थित न्यू सुदुरपश्चिम बाजुरा स्टाफ होटल कोठामा बसिरहेका २ जनाबाट सो परिमाणको चरेस बरामद गरेको जिल्ला प्रहरी कार्यालय बाँकेले जनाएको छ । चरेस सहित पक्राउ पर्नेहरुमा रोल्पा सुनिलस्मृती गाँउपालिका ७ का रुद्र बहादुर बुढा र रुकुम-पुर्व भुमे भुमेगाँउपादिका – ७ का रवि पुन हुन् ।

होटलको १०१ नम्बरको कोठामा बसिरहेका उनीहरुसँगै रहेको जेब्रा झोलाबाट सो चरेस बरामद भएको प्रहरीले बताएको छ । प्रहरीका अनुसार बाहिर खैरो रंगको प्लाष्टिक टेपले बेरी राखेको १२ प्याकेमा रहेको चरेशको तौल गर्दा १२ किलोग्राम रहेको थियो । पक्राउ परेकाहरुलाई लागु औषध कारोबार ए्ेन अनुसार म्याद थप गरि अनुसन्धान सुरु गरिएको छ ।

यसमा तपाइको मत

Your email address will not be published. Required fields are marked *


*