बाँकेका नरेशबाबु श्रेष्ठ सहित देशका ३ जनाले पाए ‘कोभिड हिरो’को उपाधि

बुटवल । बिश्वभर महामारीकारुपमा फैलिएको नोवेल कोरोना भाइरस (कोभिड-१९) को प्रकोप बिरुद्ध अग्रभागमा खटिएर योगदान पु¥याउने नेपालका ३ जना स्वास्थ्यकर्मीहरु ‘कोभिड हिरो’ घोषित भएका छन् । एकाउन्टविलिटि ल्याब काठमाडौंले महामारीका बेला देशैभरीबाट उत्कृष्ठ भूमिका खेलेका तिन जना स्वास्थ्यकर्मीलाई ‘कोभिड हिरो’ घोषित गरेको हो ।

एकाउन्टविलिटि ल्याबले आज जारी गरेको घोषणामा डीसीसीएमसी बाँकेका पूर्व कोरोना फोकलपर्शन हाल स्वास्थ्य कार्यालय बर्दियामा कार्यरत जनस्वास्थ्य अधिकृत नरेशबाबु श्रेष्ठ, जलेश्वर अस्पताल महोत्तरीको स्टाफ नर्स चण्डीका अधिकारी र धनगढी उपमहानगरपालिकाका कोभिड फोकल पर्सन लक्ष्मी राज उपाध्यायलाई ‘कोभिड हिरो’ घोषणा गरेको हो ।

देशैभरिबाट निरन्तर रूपमा कोभिड महामारी व्यवस्थापनमा सक्रिय र प्रभावकारी भूमिका खेलेको भन्दै उनिहरुलाई ‘कोभिड हिरो’ घोषित गरीएको ल्यावले प्रकाशित बिज्ञप्तिमा उल्लेख गरिएको छ । हाल बर्दियाका कोरोना फोसल पर्सन समेत रहेका श्रेष्ठ यसअघि बाँकेमा कोरोना फोकल पर्सनका रुपमा कार्यरत थिए ।

बाँकेमा कोरोना फोकलपर्शन रहेका बेला श्रेष्ठले जिल्लाको महामारी नियन्त्रणमा मात्र केन्द्रीत नभएर बाँके सहित कर्णाली र सुदुरपश्चिम प्रदेशबाट संकलन गरिएको स्वाव काठमाडौं पठाउने कार्यमा समेत आफै खटिएका थिए ।