बुटवल । सर्वाधिक चर्चामा पुगेको ‘बेनीको बजार जता माया उतै छ नजर किरेमिरे जाले रुमाल’ का संकलक तथा सर्जक टिकाबहादुर श्रेष्ठको ७५ वर्षको उमेरमा निधन भएको छ । बुटवल उपमहागनगर १२ मा बस्दै आएका श्रेष्ठको बिहिबार सांझ आफ्नै निवासमा निधन भएको हो ।
बिगत केहि महिनाबाट मृगौला सम्बन्धि रोगबाट पिडित रहेका श्रेष्ठको मधुमेहका कारण केहि दिन देखि सिकिस्त भएका थिए । घरमै बसेर उपचार तथा औषधी सेवन गर्दागर्दै बिहिबार ४ः१५ मा उनको निधन भएको श्रेष्ठका छोरा सन्तोष कुमार श्रेष्ठले जानकारी दिए ।
२००२ साल बैशाख १४ गते म्याग्दीको बेनी बजारमा जन्मेका टिकाबहादुर श्रेष्ठको २०२७ सालमा परम्परागत बिबाह भएको थियो । बिबाह पछि श्रेष्ठले संकलन र सङ्गीत भरेका ‘बेनीको बजार जता माया उतै छ नजर’ गित रेकर्डिङ गराउन काठमाडौं जाने क्रममा लोक गायिका मन छन्त्यालसँग माया बस्यो र २०३५ सालमा छन्त्याललाई दोस्रो श्रीमतीकारुपमा श्रेष्ठले बिबाह गरेका थिए । श्रैष्ठको पहिलो श्रीमतीको ५ महिना अगाडि निधन भएको थियो ।
श्रेष्ठले ‘गिती संग्रालय’ नामक पुस्तक प्रकाशन गरेका थिए भने बुटवलमा निजी बिद्यालय संचालन गर्ने ब्यक्तिकारुपमा पनि श्रेष्ठलाई चिनिन्छ । पाइनउड बोर्डिङ र देवकोटा बिद्यालयका संस्थापक श्रेष्ठको ‘बेनीको बजार’ पछि ‘टिम्मुरे काँडाले’ बोलको गित पनि चर्चित रहेको छ । उनले पंचायत बिरोधी ‘यो कान्छाको शिरैमा कालो टोपी ढल्केको’ ब्यङ्ग गितको पनि रचना गरेका थिए ।
श्रेष्ठले नेवारी परम्पराका गाइजात्रामा प्रस्तुत हुने गित, लाखेनाच, रोपाईं नाच, फागु पुर्णिमाको फागु गित लगायतका धेरै नेवारी संस्कृतिमा आधारित कृती तयार गरेपनि त्यसको दस्तावेज एल्वम वा पुस्तक भने बनाउन सकेनन् ।
उनको पहिलो श्रीमती तर्फ एक छोरा र दोस्रो श्रीमती तर्फ २ छोरी छन् ।
प्रतिक्रिया