बझाङ । नयाँ वर्षको अवसरमा विपन्न परीवारलाई राहत उपलब्ध गराईएको छ । ‘एक्सिस टु हेभ नट्स्’अभियानले जिल्लाको केदारस्युँ गाउँपालिकामा विपन्न गरिब दलित परिवारलाई नयाँ वर्ष २०७७ को अवसरमा राहत उपलब्ध गराउको हो ।
अभियानका संयोजक भागेस्वर गाउँपालिका वडा नम्बर ४ डडेल्धुराका राजेन्द्र भट्ट र सहसंयोजक केदारस्युँ गाउँपालिका वडा नम्बर १ का शुमन भण्डारीको पहलमा उक्त राहत उपलब्ध गराईएको हो ।
थलारा गाउँ पालिका वडा न १ मा अस्थाई आवास भएका केदारस्युँ १ का भुमि नेपालिको परिवार लाई ५०।५० किलो चामल र गहुँ, ४ किलो दाल, २ किलो नुन, २ प्याकेट तेल लगायत दैनिक उपभोग्यका अन्य सामान उपलब्ध गराईएको छ ।
थलारा गाउँपालिका वडा नम्बर १ पिपलकोट घरभई २०५७ सालदेखि केदारस्युँ गाउँ पालिका वडा न १ देउरामा बस्दै आएका विपन्न विष्णुनाथ जोशीको परिवारलाई पनि १५ किलो चामल सहित दाल, चिनी, नुन, तेल, साबुन, मसला लगायत दैनिक उपभोग्यका सामान राहत शोरुप प्रदान गरीएको ‘एक्सिस टु हेभ नट्स्’ अभियानका सहसंयोजक भण्डारीले बताए ।
प्रतिक्रिया