नेपालगन्ज । भारतमा कोरोना संक्रमण तिब्र गतिमा फैलिएको र भारतका बिभिन्न सहरबाट जनुनाह नाका हुँदै फर्किएका नेपालीहरुको प्रभावकारी स्वास्थ्य परिक्षणको व्यवस्था हुन नसक्दा बाँकेमा कोरोना माआमारीको जोखिम बढेको छ ।
बाँकेमा अन्य जिल्लाबाट उपचारका लागि ल्याइृएका फेरी एक जना संक्रमितको ज्यान गएको छ । कैलालीबाट आएर नेपालगन्ज स्थित भेरी अस्पतालमा उपचाररत ३७ वर्षिय युवाको कोरोना संक्रमणका कारण ज्यान गएको बाँकेका कोरोना फोकल पर्सन तेज ओलीले जानकारी दिएका छन् ।
कैलालीको लम्किचुहा १ का ति पुरुषमा चैत्र ३० गते कोरोना संक्रमण पुष्टि भएको थियो । संक्रमण देखिएलगत्तै भेरी अस्पतालको कोभिड विशेृष वार्डमा भर्ना गरीएका ति पुरुषको हिजो राती (३१ गते) ९ः५० बजे मृत्यु भएको ओलीले जानकारी दिए ।
योसँगै बाँकेमा बाहिरी जिल्लाबाट उपचारकालागि आएका ९२ जनाको कोरोना संक्रमणका कारण ज्यान गएको छ ।
प्रतिक्रिया